Ghasia kubwa zililipuka katika mji wa Bnei Brak, Israel, baada ya waandamanaji wa jamii ya Kiyahudi wa Kiharedi (ultra-Orthodox) kugongana vikali na polisi kuhusu suala la kuandikishwa kwa lazima katika jeshi la Israel (IDF).

Tukio hilo limeibua tena mvutano mkali kati ya serikali ya Israel na jamii ya kidini ambayo kwa muda mrefu imekuwa ikipinga huduma ya kijeshi ya lazima.

Waandamanaji wa Kiharedi walijaa mitaani baada ya askari wawili wa kike wa IDF kuwasilisha hati za kuitwa jeshini (draft notices) kwa baadhi ya vijana wa jamii hiyo. Hatua hiyo iliwakasirisha waandamanaji ambao waliitafsiri kama jaribio la serikali kulazimisha jamii yao kuacha maisha ya kidini na kuingia katika mfumo wa kijeshi unaopingana na imani zao.

Katika vurugu hizo, waandamanaji walichoma taka barabarani, kufunga barabara kuu, kurusha mawe na vitu mbalimbali kwa polisi, na kujaribu kuwazuia maafisa wa usalama kufanya kazi zao. Polisi walilazimika kutumia nguvu kuwatawanya waandamanaji, hali iliyosababisha mapigano ya moja kwa moja kati ya pande hizo mbili. Gari moja la polisi lilipinduliwa, pikipiki ikachomwa moto, na mali nyingine kuharibiwa wakati wa machafuko.

The post Video: Ghasia Zaibuka Israel, Waandamanaji Wakabiliana Na Polisi appeared first on Global Publishers.