OFISA Habari wa Yanga SC, Ali Kamwe, amekiri wazi kwamba sare ya 0-0 dhidi ya Simba ilikuwa matokeo sahihi kutokana na kiwango kilichoshuhudiwa uwanjani.

Kamwe amesema Simba walionyesha ubora wa kipekee katika mchezo wa Kariakoo Derby uliofanyika kwenye uwanja wa New Amaan Complex visiwani Zanzibar, wakionesha mpira wa hali ya juu kuliko Yanga.

“Simba walicheza vizuri zaidi kuliko sisi. Hata kama nyota wetu Pacome Zouzoua angekuwa kwenye kikosi, isingesaidia kwa sababu Simba walionyesha mpira wa kiwango cha juu sana,” amesema Kamwe.

Ameongeza  kuwa  Yanga haikuwahi kupata nafasi kubwa za kuishinda Simba. Alieleza kuwa Simba walijitahidi, walipanga mpangilio mzuri wa mchezo, na walionyesha umoja wa kikosi chote, jambo lililowapa faida dhahiri uwanjani.

“Hali ya kukosekana kwa Pacome siyo sababu ya sare yetu. Tunakiri kwamba Simba walicheza vizuri sana na walistahili matokeo waliyoyapata,” amesema Kamwe.

Sare hiyo inaashiria wazi kuwa ushindani kati ya Yanga na Simba unaendelea kuwa mkali, huku kila timu ikijaribu kudhibiti mchezo huu wa jadi unaovutia mashabiki wengi ndani na nje ya nchi.

The post HATA ANGEKUWA PACOME, SIMBA ILIKUWA NA KILA KITU appeared first on Soka La Bongo.