Kesi ya uhaini inayomkabili Mwenyekiti wa CHADEMA Taifa, Tundu Lissu, imeendelea kusuasua baada ya kuahirishwa tena hadi Julai 15, 2025, kutokana na hatua ya Mkurugenzi wa Mashtaka (DPP) kutokamilisha mapitio ya jalada la kesi hiyo. Kwa mujibu wa Mawakili wa Jamhuri, faili la kesi bado lipo mezani kwa DPP na uchunguzi haujakamilika.
Katika kikao kilichofanyika leo katika Mahakama ya Hakimu Mkazi Kisutu, Lissu, kabla ya kuahirishwa kwa kesi hiyo, aliomba mahakama iielekeze Jamhuri kutoa taarifa ya kina kuhusu hatua ya uchunguzi, akieleza kuwa ni haki yake kujua kinachoendelea. Alisisitiza kuwa hadi kufikia wiki ijayo, atakuwa amekaa mahabusu kwa siku 90, bila kesi kusikilizwa wala mashitaka rasmi kuanza kusikilizwa kwa kina.
Hakuna maoni bado. Kuwa wa kwanza kuandika maoni!