Mahakama ya Afrika Kusini imesitisha mpango wa kumzika Rais wa zamani wa Zambia Edgar Lungu katika hafla ya faragha muda mfupi kabla ya kuanza.

Habari hizo zilitangazwa tu kwa waombolezaji nchini Afrika Kusini baada ya misa ya mazishi kukamilika.
Huu ni mzozo wa hivi punde kati ya serikali na familia ya Lungu kuhusu mazishi yake, baada ya familia hiyo kuchagua kuwa na shughuli ya faragha ya mazishi yaje nchini Afrika Kusini, badala ya mazishi kamili ya serikali nyumbani Zambia.

Serikali ya Zambia ilikuwa imewasilisha kesi ya dharura katika Mahakama Kuu ya Pretoria ikiitaka kusimamisha mazishi yaliyopangwa na familia yake.
Mahakama ilisema kuwa mazishi hayataendelea kufuatia “makubaliano kati ya wahusika” hata hivyo inaonekana kuwa mazishi yoyote hayatafanyika hadi Agosti mapema zaidi.

Mzozo huo unafuatia mzozo wa muda mrefu kati ya Lungu na mrithi wake, Rais Hakainde Hichilema, huku familia ya Lungu ikisema kuwa ameonyesha kuwa Hichilema hapaswi kuhudhuria mazishi yake.

Kufuatia kifo cha Lungu nchini Afrika Kusini akiwa na umri wa miaka 68, familia ilitaka kusimamia taratibu za mazishi, ikiwa ni pamoja na kurudisha mwili wake nyumbani, lakini mamlaka ya Zambia ilitaka kudhibiti.

Serikali na familia yake baadaye walikubaliana kuwa angefanya mazishi ya serikali kabla ya mahusiano kuvunjika kutokana na mipango mahususi, na kusababisha familia hiyo kuchagua mazishi nchini Afrika Kusini.
Rais Hichilema tangu wakati huo amekuwa akihoji kuwa Lungu, kama rais wa zamani, “ni wa taifa la Zambia” na anapaswa kuzikwa nchini humo.

STORI NA ELVAN STAMBULI, GPL.