Mbeya, 8 Agosti 2025 – Kama sehemu ya dhamira yake ya kuendeleza kilimo, OCP TANZANIA imeshiriki Maonesho ya Kilimo ya Nane Nane 2025 jijini Mbeya, ikiwa na lengo la kutoa elimu na kuongeza uelewa wa wakulima kuhusu Triple Super Phosphate (TSP) – 00-46-00, mbolea bora ya kupandia yenye kiwango kikubwa cha fosforasi inayochochea ukuaji wa mizizi imara na kustawi kwa mazao katika hatua za mwanzo.

OCP TANZANIA  inashirikiana moja kwa moja na wakulima, wauzaji wa pembejeo na wadau wa sekta ya kilimo kuonyesha matumizi sahihi ya TSP na kufafanua umuhimu wa lishe ya awali kwa mazao ili kupata mavuno mengi na mazao yenye uwezo wa kustahimili changamoto za mazingira.

Wakati huo huo, wageni waliotembelea banda la OCP wameelezwa kuhusu mpango wa kampuni wa kuhakikisha mbolea ya TSP inapatikana kwa bei nafuu, ili kila mkulima bila kujali ukubwa wa shughuli zake aweze kupata pembejeo bora.

“Tunaipongeza OCP Africa kwa jitihada zao za dhati za kuwawezesha wakulima kupitia upatikanaji wa pembejeo na elimu.

Mchango wao unalingana vyema na malengo ya serikali ya kuhakikisha usalama wa chakula na kuendeleza kilimo endelevu,” alisema Mheshimiwa Makongoro Nyerere, Mkuu wa Mkoa wa Rukwa, alipotembelea banda la OCP.

Katika maonesho hayo, wakulima walipata mafunzo ya vitendo kuhusu jinsi ya kutumia mbolea ya  TSP kwa usahihi katika mazao kama mahindi, mpunga, mikunde na viazi, yakifundishwa na wataalamu wa kilimo.

“Ujumbe wetu mwaka huu ni rahisi: Kilimo chenye uhakika huanza na TSP. Mkulima akitumia virutubisho sahihi tangu hatua ya kupanda, afya ya mazao huimarika na tija ya soko huongezeka,” alisema Zaward Green Hankungwe, Meneja Masoko wa OCP Africa Tanzania.

“Tunajivunia kuwa hapa Mbeya tukiwahudumia wakulima moja kwa moja.”

Mkulima mmoja kutoka Chunya, Mariam Mwakalukwa, alieleza matumaini yake: “Kwa mara ya kwanza nimepata uelewa wa kina kuhusu matumizi sahihi ya mbolea ya kupandia. Kupitia OCP nimejifunza namna ya kuongeza mavuno yangu bila kuongeza gharama kubwa.”

Maonesho ya Kilimo ya Nane Nane jijini Mbeya yanaendelea kuwa jukwaa muhimu la kushirikisha ubunifu, kujenga uwezo wa wakulima na kuunganisha wadau wa sekta ya kilimo katika mnyororo mzima wa thamani.

OCP Africa inawakaribisha wakulima na wageni kugundua namna mbinu bora za kupanda, ikiwemo matumizi ya mapema ya TSP, zinavyoweza kufanikisha mafanikio ya kilimo.