Chama Cha Mapinduzi (CCM) kimetangaza rasmi kuwa kura za maoni kwa wagombea wa nafasi za Ubunge, Udiwani na Uwakilishi zitafanyika Agosti 4, 2025, kwa upande wa Tanzania Bara na Zanzibar.
Kwa mujibu wa taarifa ya chama, wagombea wote waliorejesha fomu na kupita hatua za awali watapigiwa kura na wajumbe wa mikutano mikuu ya kata, wadi na majimbo, ambapo kila nafasi itawasilishwa kwa wanachama kwa njia ya kidemokrasia.
CCM imesisitiza kuwa uteuzi rasmi wa wagombea utatekelezwa mwishoni mwa mwezi Agosti, kupitia viongozi wa Kamati Kuu na Halmashauri Kuu ya Taifa, kwa kuzingatia amani, uwazi na heshima kwa taratibu za chama.
Lengo kuu ni kupata wagombea bora, waadilifu na wenye uwezo wa kuwahudumia wananchi kwa ufanisi katika ngazi zote za uongozi.
Hakuna maoni bado. Kuwa wa kwanza kuandika maoni!