Kiungo wa zamani wa Arsenal, Thomas Partey, anakabiliwa na mashtaka sita ya ukatili wa kingono nchini Uingereza — ikiwemo makosa matano ya ubakaji na moja la unyanyasaji wa kingono.
Tuhuma hizo zinatoka kwa wanawake watatu, na zinadaiwa kutokea kati ya 2021 na 2022:
Mwanamke wa kwanza: makosa mawili ya ubakaji
Mwanamke wa pili: makosa matatu ya ubakaji
Mwanamke wa tatu: kosa moja la unyanyasaji wa kingono
Kesi hii imeibuka muda mfupi tu baada ya Partey kuondoka rasmi Arsenal wiki hii.
Jeshi la Polisi la Metropolitan limesisitiza kuwa uamuzi wa kufungua mashtaka ulifikiwa baada ya uchunguzi makini, jambo linalodhihirisha uzito wa tuhuma zinazomkabili nyota huyo. Partey bado hajazungumza hadharani kuhusu tuhuma hizo.
Hakuna maoni bado. Kuwa wa kwanza kuandika maoni!