Mchungaji Peter Msigwa ambaye aliwahi kuwa mwanachama na kiongozi wa Chama cha Demokrasia na Maendeleo (Chadema) kabla ya kuhamia Chama Cha Mapinduzi (CCM), ametangaza rasmi kurejea tena Chadema.

Hatua hiyo imeibua mjadala mkubwa katika medani za siasa nchini huku wafuasi wa vyama mbalimbali wakitoa maoni tofauti kuhusu uamuzi wake huo wa kurejea chama chake cha zamani.

Msigwa ambaye aliwahi kuwa Mbunge wa Iringa Mjini kupitia Chadema, alikuwa miongoni mwa viongozi wa upinzani waliovuma kwa muda mrefu kabla ya kuhamia CCM katika miaka ya hivi karibuni.

Taarifa ya kurejea kwake Chadema imepokelewa kwa hisia tofauti, baadhi wakieleza kuwa ni kurejea “nyumbani”, huku wengine wakisubiri kuona hatua yake mpya kisiasa ndani ya chama hicho.

Hadi sasa Chadema bado haijatoa taarifa rasmi yenye maelezo ya kina kuhusu kurejea kwa Msigwa ndani ya chama hicho.

The post Mchungaji Peter Msigwa Atangaza Kurejea Tena Chadema, Afunguka Mapya – Video appeared first on Global Publishers.