Rais wa Urusi, Vladimir Putin, amemtumia salamu za pongezi Mojtaba Khamenei kufuatia uteuzi wake kuwa kiongozi mpya wa Iran. Katika ujumbe wake, Putin amesema ana imani kuwa Khamenei ataendeleza kazi ya baba yake, Ali Khamenei, kwa heshima na kuunganisha wananchi wa Iran katikati ya changamoto zinazoikabili nchi hiyo.

Putin ameongeza kuwa Urusi itaendelea kushirikiana kwa karibu na Iran, akisisitiza kuwa Moscow itaendelea kutoa msaada na kuimarisha mshikamano na Tehran. Kauli hiyo inaashiria kuendelezwa kwa ushirikiano wa kisiasa, kiuchumi na kijeshi kati ya mataifa hayo mawili, hasa katika kipindi cha mvutano wa kikanda unaoendelea.

Uteuzi wa Mojtaba Khamenei, mtoto wa kiongozi wa zamani wa Iran, unatajwa kuwa hatua kubwa katika siasa za nchi hiyo. Ingawa hana uzoefu mkubwa wa moja kwa moja katika uongozi wa juu wa kisiasa, kuchaguliwa kwake kunatarajiwa kuwa na athari kwa siasa za ndani na mahusiano ya Iran na mataifa mengine.s

The post Rais Putin Ampongeza Mtoto wa Khamenei Kuteuliwa Kuiongoza Iran appeared first on Global Publishers.